ლოიალურობის პროგრამის წესები და პირობები

(Terms & Conditions)

1. ტერმინთა განმარტება

• ხელშეკრულება — წინამდებარე წესები და პირობები;
• კომპანია — შპს „გასტრონომი საქართველო" (ს/ნ 418473547), რომელიც წარმოადგენს ლოიალობის პროგრამის მფლობელს და ორგანიზატორს;
• ლოიალობის პროგრამა (პროგრამა) — კომპანიის მიერ შემუშავებული წამახალისებელი სისტემა, რომელიც მომხმარებელს საშუალებას აძლევს ისარგებლოს სპეციალური ფასდაკლებებით შესყიდვების ისტორიის საფუძველზე;
• მომხმარებელი — ნებისმიერი ფიზიკური პირი, რომელიც რეგისტრირდება პროგრამაში, ეთანხმება წესებს და ფლობს აქტიურ ლოიალობის ბარათს;
• რეგისტრაცია — მომხმარებლის მიერ პროგრამაში გაწევრიანების მიზნით სარეგისტრაციო ფორმაში მოთხოვნილი სავალდებულო პირადი მონაცემების შევსება და მობილური ტელეფონის ელექტრონულ საფულეში პროგრამის ბარათის დაყენება;
• პერსონალური მონაცემი — სარეგისტრაციო ფორმაში მოთხოვნილი მომხმარებლის პერსონალური მონაცემები — სახელი, გვარი, დაბადების თარიღი, პირადი ნომერი ან პასპორტის ნომერი, ელექტრონული ფოსტის მისამართი და მობილურის ნომერი;
• აქტიური ანგარიში — მომხმარებლის ანგარიში, რომელზეც ხორციელდება მიღებული ფასდაკლების გატარება;
• შტრიხკოდი — ციფრულ ბარათზე გამოსახული უნიკალური კოდი, რომლის მეშვეობითაც ხდება შესყიდვების ისტორიის აღრიცხვა და შესაბამისი ფასდაკლების განაღდება (ასევე მომხმარებლის ან მერჩანტის იდენტიფიკაცია);
• ბოლო სრული კალენდარული თვის დანახარჯი — მიმდინარე თვის წინა ერთი სრული კალენდარული თვის განმავლობაში განხორციელებული შესყიდვების ჯამური ღირებულება. სწორედ ეს მაჩვენებელი განსაზღვრავს ფასდაკლების პროცენტს.
• სტატუსი — მომხმარებლის ფასდაკლების დონე პროგრამაში (0%, 3%, 5%, 7% ან 10%), რომელიც გადაიხედება ყოველი კალენდარული თვის 1 (პირველ) რიცხვში და დამოკიდებული იქნება ბოლო სრული კალენდარული თვის დანახარჯზე.
• SMS-OFF — მარკეტინგულ შეტყობინებებზე უარის თქმის გამარტივებული მექანიზმი (პასუხად მითითებული სიტყვის/კოდის გაგზავნა მოკლე ნომერზე, მაგ. „NO");
• PUSH ნოტიფიკაცია — მობილურ ტელეფონზე ციფრული ბარათის მიერ გამოგზავნილი შეტყობინება;
• ტრანზაქცია — „გასტრონომის" გურმე მაღაზიათა ქსელში განხორციელებული ნებისმიერი ფასიანი ოპერაცია (შესყიდვა), რომელიც დაფიქსირებულია ლოიალობის ბარათის გამოყენებით;
• ანგარიშის შეჩერება — დროებითი შეზღუდვა ანგარიშზე წვდომისა;
• ანგარიშის გაუქმება — ანგარიშის სრულად დეაქტივაცია და პროგრამაში მონაწილეობიდან გამორიცხვა.

2. ზოგადი დებულებები

2.1. წინამდებარე დოკუმენტი განსაზღვრავს შპს „გასტრონომ საქართველოს" (ს/ნ 418473547) (შემდგომში — „კომპანია") ობიექტის - გასტრონომი/Gastronome - ლოიალურობის პროგრამაში მონაწილეობის წესებსა და პირობებს.

2.2. ციფრული ბარათის რეგისტრაციის გავლით და „ვეთანხმები" ("accept") ღილაკის მონიშვნით, მომხმარებელი აცხადებს თანხმობას ქვემოთ მოცემულ წესებსა და პირობებზე და ადასტურებს რომ სრულად გაეცნო პროგრამის პოლიტიკას.

2.3. ლოიალობის პროგრამა (შემდგომში „პროგრამა") არის შპს გასტრონომ საქართველოს მიერ შექმნილი პროდუქტი, რომელიც მიზნად ისახავს ერთგული მომხმარებლების წახალისებას.

2.4. პროგრამის ფარგლებში მხოლოდ „გასტრონომის" გურმე მაღაზიათა ქსელში განხორციელებული შენაძენები აღირიცხება მომხმარებლის პერსონალურ ანგარიშზე, რის საფუძველზეც მას ენიჭება შესაბამისი სტატუსი და ფასდაკლება.

3. ლოიალობის პროგრამაში გაწევრიანება

3.1. პროგრამაში მონაწილეობა შეუძლია ნებისმიერ ფიზიკურ პირს, რომელსაც შეუსრულდა 18 წელი.

3.2. რეგისტრაცია ხდება QR კოდის დასკანერებით, ან პირდაპირ სარეგისტრაციო ბმულზე გადასვლით და პერსონალური მონაცემების შევსებით.

3.3. ლოიალობის ბარათი არის პერსონალური და მისი გადაცემა სხვა პირზე დაუშვებელია.

4. ლოიალობის პროგრამის აღწერა

4.1. ლოიალობის პროგრამა არის კომპანიის მიერ შექმნილი სისტემა, რომელიც მომხმარებელს საშუალებას აძლევს მიიღოს შესაბამისი ფასდაკლება ბოლო სრული კალენდარული თვის დანახარჯის მიხედვით. ფასდაკლების სისტემა არის პროგრესული და განისაზღვრება საფეხურებით: 0%, 3%, 5%, 7% და 10%.

4.2. ფასდაკლების პროცენტული მაჩვენებელი დამოკიდებულია მომხმარებლის მიერ გასტრონომის მაღაზიებში განხორციელებული ბოლო სრული კალენდარული თვის დანახარჯის მოცულობაზე:

4.3. სტატუსის ამაღლება: იმ შემთხვევაში, თუ ბოლო სრული კალენდარული თვის დანახარჯი გადააჭარბებს მომდევნო საფეხურის ზღვარს, მომხმარებელს მიენიჭება უფრო მაღალი სტატუსი, 4.2. პუნქტით განსაზღვრული მაჩვენებლების მიხედვით.

4.4. სტატუსის შენარჩუნება: თუ მომხმარებლის აქტივობა შემცირდება და ბოლო სრული კალენდარული თვის მაჩვენებელი ჩამოცდება შესაბამის ზღვარს, მისი ფასდაკლების პროცენტი ავტომატურად დაკორექტირდება (შემცირდება) 4.2. პუნქტით განსაზღვრული მაჩვენებლის მიხედვით. სტატუსის შემცირება ხორციელდება ეტაპობრივად: ყოველი გადათვლისას მომხმარებლის სტატუსი მცირდება მაქსიმუმ ერთი საფეხურით (თვეში არაუმეტეს ერთი საფეხურისა).

4.5. ახალი მომხმარებლის სტატუსი: პროგრამაში პირველად დარეგისტრირებულ მომხმარებელს რეგისტრაციისთანავე ავტომატურად საჩუქრად უაქტიურდება 3%-იანი ფასდაკლება, რომელიც მოქმედებს 1 კალენდარული თვის განმავლობაში. მომდევნო თვიდან მისი სტატუსი გადაითვლება 4.2. პუნქტით განსაზღვრული საერთო წესის შესაბამისად.

4.6. არსებული მომხმარებლის სტატუსი: არსებულ ლოიალობის ბარათის მფლობელებს, ახალ სისტემაში გადასვლისას, საწყისი ფასდაკლების პროცენტი განესაზღვრებათ მათი ბოლო სრული კალენდარული თვის დანახარჯზე დაყრდნობით, 4.2. პუნქტით განსაზღვრულ მაჩვენებლებზე დაყრდნობით. თუ ბოლო სრული კალენდარული თვის მანძილზე არსებული მომხმარებელი იყო არააქტიური და, შესაბამისად, ფასდაკლების მაჩვენებელი 0% დადგინდა, ახალ პროგრამაში გადასვლისას ასეთ მომხმარებლებს საჩუქრად 3% ფასდაკლება მიენიჭებათ 1 კალენდარული თვის განმავლობაში.

4.7. სტატუსის ვიზუალიზაცია: Wallet-ში დამატებული ციფრული ლოიალობის ბარათის დიზაინის განუყოფელი ნაწილია მიმდინარე ფასდაკლების %-ის ჩვენება, რაც მომხმარებელს საშუალებას აძლევს ნებისმიერ დროს გადაამოწმოს საკუთარი სტატუსი.

4.8. ძველი სისტემიდან დაგროვებული ქულების გახარჯვა: ახალ მოდელზე გადასვლასთან მიმართებით, ძველი სისტემით დაგროვებული ქულების ბალანსის ასათვისებლად (გასახარჯად) მომხმარებლებს ვადა აქვთ 1-ელ სექტემბრამდე. აღნიშნული ვადის ათვლა იწყება კომპანიის მიერ საინფორმაციო SMS ან E-mail შეტყობინებების გაგზავნის თარიღიდან და სოციალურ მედიაში განთავსებული განცხადების თარიღიდან. იმ შემთხვევაში, თუ მომხმარებლის საკონტაქტო ინფორმაცია შეცვლილია, არასრულია ან თავიდანვე არასწორად არის მოწოდებული, კომპანიის მხრიდან საინფორმაციო ვალდებულება შესრულებულად ითვლება სოციალურ ქსელ(ებ)ში განცხადების გამოქვეყნების მომენტიდან. კომპანია არ იღებს პასუხისმგებლობას იმ შემთხვევებზე როდესაც მომხმარებელს არ განუახლებია მონაცემები, ან ნებისმიერი სხვა ფორმით სწორად არ მოუწოდებია ისინი კომპანიისთვის. აღნიშნულ პირობებში მომხმარებელი ითვლება სათანადოდ ინფორმირებულად.

4.9. ქულების ანულირება: წინამდებარე დოკუმენტის 4.8. პუნქტში მითითებული ვადის ამოწურვისთანავე, ძველ ბარათებზე არსებული გამოუყენებელი ნაშთი (დაგროვილი ქულები/ლარები) სრულად ანულირდება. აღნიშნული ქულების აღდგენა ან/და ახალ აპლიკაციაში გადატანა არ განხორციელდება.

4.10. ბარათის გააქტიურება: ბარათის რეგისტრაციიდან (სმარტფონში დაყენებიდან) მის სრულ გააქტიურებამდე შეიძლება საჭირო იყოს 1 (ერთი) სამუშაო დღე. ასეთ შემთხვევაში მომხმარებელი ფასდაკლებით სარგებლობას შეძლებს რეგისტრაციიდან მომდევნო სამუშაო დღეს.

4.11. სისტემის ეფექტური მართვის მიზნით კომპანია უფლებას იტოვებს წინასწარი შეტყობინების გარეშე გააუქმოს ელექტრონული ბარათი და ლოიალურობის პროგრამაში წევრობა თუ მომხმარებელი ზედიზედ 6 (ექვსი) კალენდარული თვის განმავლობაში იმყოფება არააქტიურ (0%-იან) სტატუსში.

5. კომპანიის უფლებები

კომპანია უფლებამოსილია:

5.1. შეაჩეროს ან გააუქმოს მომხმარებლის ანგარიში იმ შემთხვევაში, თუ გამოვლინდება ლოიალურობის პროგრამის ბოროტად გამოყენება, არასწორი ან ყალბი ინფორმაციის მიწოდება, ანგარიშის მესამე პირისთვის გადაცემა, ტექნიკური სისტემების დარღვევა ან სხვა ქმედება, რომელიც არღვევს წინამდებარე წესებს ან მოქმედ კანონმდებლობას;

5.2. ნებისმიერ დროს, წინასწარი შეტყობინების გაგზავნის გარეშე, შეცვალოს ან განაახლოს სტატუსისთვის განსაზღვრული თანხობრივი (დანახარჯის) ლიმიტები ან/და სხვა პირობები. განახლებული პირობები ავტომატურად აისახება როგორც ბარათის შესახებ განყოფილებაში მითითებულ ბმულზე, ისე კომპანიის შესაბამის ვებ-გვერდზე და ძალაში შევა გამოქვეყნებისთანავე.

5.3. დროებით შეაჩეროს პროგრამის მოქმედება ტექნიკური მიზეზებით.

6. პერსონალურ მონაცემთა დამუშავება (Privacy Policy and Personal Data Collection)

6.1. აპლიკაციაში რეგისტრაციით, მომხმარებელი გამოხატავს ნებას და აძლევს კომპანიას უპირობო თანხმობას, რომ დაამუშაოს მისი პერსონალური მონაცემები „პერსონალურ მონაცემთა დაცვის შესახებ" საქართველოს კანონის შესაბამისად.

6.2. დამუშავებული მონაცემები მოიცავს: სახელს, გვარს, პირად ნომერს ან პასპორტის ნომერს, ტელეფონის ნომერს, ელექტრონული ფოსტის მისამართს, დაბადების თარიღს, მომხმარებლის თანხმობას და მისი გაცემის თარიღს/წესების ვერსიას და ტრანზაქციების ისტორიას (შეძენილი პროდუქცია, დახარჯული თანხა, ვიზიტის დრო და ადგილი).

6.3. ციფრული საფულის (Wallet) ბარათის მომსახურების უზრუნველსაყოფად და ტექნიკური მხარდაჭერის გასაწევად, კომპანია აგროვებს და ინახავს მომხმარებლის ბარათთან (pass-თან) დაკავშირებულ მოწყობილობის ინფორმაციას (მოწყობილობის ტიპი, და პირველადი დაყენებისას გამოყენებული ლინკის იდენტიფიკატორს (მაღაზიის ობიექტი ან სოციალური ქსელი). კომპანია არ ინახავს IP მისამართებს და ადგილმდებარეობის კოორდინატებს.

6.4. მონაცემთა დამუშავების მიზნები:

6.4.1. ლოიალობის პროგრამის ადმინისტრირება და ფასდაკლებების დაანგარიშება;

6.4.2. მომსახურების ხარისხის გაუმჯობესება და მომხმარებლის ქცევის ანალიზი;

6.4.3. მომხმარებელზე ინდივიდუალურად მორგებული შეთავაზებებისა და სიახლეების შესახებ ინფორმირება.

6.5. კომპანია იღებს ვალდებულებას, დაიცვას მონაცემთა უსაფრთხოება და არ გადასცეს ისინი მესამე პირებს, გარდა კანონით გათვალისწინებული შემთხვევებისა ან იმ ტექნიკური პარტნიორებისა, რომლებიც უზრუნველყოფენ აპლიკაციის გამართულ მუშაობას (კონფიდენციალურობის დაცვის გარანტიით).

6.6. მომხმარებელს უფლება აქვს ნებისმიერ დროს მოითხოვოს ინფორმაცია მისი მონაცემების დამუშავების შესახებ, მოითხოვოს მათი შესწორება, განახლება ან წაშლა. მონაცემების წაშლის მოთხოვნა მომხმარებელს შეუძლია კომპანიის საკონტაქტო პარამეტრებში მითითებულ ელ-ფოსტაზე შეტყობინების გაგზავნით. მონაცემების წაშლა იწვევს ლოიალობის ანგარიშის გაუქმებას.

6.7. მონაცემები ინახება პროგრამაში მონაწილეობის პერიოდში და მისი დასრულებიდან 1 (ერთი) წლის განმავლობაში, კანონმდებლობის შესაბამისად.

7. მარკეტინგული კომუნიკაცია და მასზე უარის თქმა (Opt-out)

7.1. ამ შეთანხმებაზე რეგისტრაციით თქვენ ეთანხმებით სიახლეების, აქციების, საჩუქრების, კამპანიებისა და სტატუსის შესახებ შეტყობინებების მიღებას აპლიკაციის (Push), SMS-ისა და ელექტრონული ფოსტის (E-mail) სახით.

7.2. Push შეტყობინებები: მათი გათიშვა შეგიძლიათ მობილური ტელეფონის შეტყობინებების პარამეტრებიდან ნებისმიერ დროს.

7.3. SMS შეტყობინებები: მარკეტინგული SMS შეტყობინებების მიღებაზე უარის თქმა შესაძლებელია ნებისმიერ დროს, შეტყობინებაში მითითებული წესით პასუხის გაგზავნით (მაგალითად, სიტყვა „NO"-ს გაგზავნით).

7.4. E-mail შეტყობინებები: E-mail შეტყობინებებზე უარის თქმა შესაძლებელი იქნება unsubscribe ბმულზე გადასვლით.

7.5. SMS და E-mail შეტყობინებებზე უარის თქმა გამორიცხავს მარკეტინგული შინაარსის შეტყობინებების მიღებას, თუმცა არ გამორიცხავს თქვენს ანგარიშთან დაკავშირებულ კრიტიკულ შეტყობინებებს.

8. აპლიკაციის გამოყენების პირობები

8.1. ციფრული ბარათის გააქტიურება შესაძლებელია iOS და Android პლატფორმებზე;

8.2. ციფრული ბარათის უკანა მხარეს (ინფორმაციის - „Info" ან "Detail" განყოფილებაში შესვლით) მომხმარებელს შეუძლია გაეცნოს სტატუსების და სხვა ბენეფიტების პირობებს. იქვე არის განთავსებული პირდაპირი ბმული/ლინკი პერსონალურ მონაცემთა დამუშავების პოლიტიკასა და წინამდებარე წესებსა და პირობებზე.

8.3. მომხმარებელი ვალდებულია დაიცვას თავისი ანგარიშის უსაფრთხოება და კონფიდენციალურობა. დაუყოვნებლივ შეატყობინოს კომპანიას თუ არსებობს ეჭვი მისი ანგარიშის არაავტორიზებული გამოყენების შესახებ.

8.4. კომპანია არ არის პასუხისმგებელი მომხმარებლის მიერ უსაფრთხოების წესების დარღვევის შედეგად დამდგარ ზიანზე (მაგ: მესამე პირის მიერ ფასდაკლების გამოყენება).

8.5. კომპანია არ არის პასუხისმგებელი ტექნიკური შეფერხებით გამოწვეულ ზიანზე, თუმცა უზრუნველყოფს ხარვეზის გონივრულ ვადაში აღმოფხვრას.

8.6. კომპანია არ არის პასუხისმგებელი:

• მესამე პირების ქმედებებზე;
• მომხმარებლის მიერ ანგარიშის არასწორ გამოყენებაზე;
• ტექნიკური ხარვეზებით გამოწვეულ შეფერხებებზე;
• ტექნიკური ხარვეზით გამოწვეულ სტატუსის განახლების დაგვიანებაზე.

9. დამატებითი შეზღუდვები

9.1. ფასდაკლების ბარათის გამოყენება შესაძლებელია მხოლოდ ავტორიზებული მომხმარებლის მიერ;

9.2. ფასდაკლება არ ვრცელდება:

9.2.1. აქციაში მყოფ პროდუქციაზე;

9.2.2. სასაჩუქრე ბარათების შეძენაზე;

9.2.3. კომპანია უფლებამოსილია განსაზღვროს დამატებითი შეზღუდვები კონკრეტულ პროდუქციაზე.

9.3. კომპანია იტოვებს უფლებას, პროგრამის ბოროტად გამოყენებაზე ეჭვის შემთხვევაში (მაგ: ერთი ბარათის გამოყენება მრავალი სხვადასხვა პირის მიერ), დროებით ან სამუდამოდ დაბლოკოს მომხმარებლის ლოიალობის ბარათი.

10. დასკვნითი დებულებები

10.1. წინამდებარე პირობები ძალაში შედის მომხმარებლის მიერ რეგისტრაციის მომენტიდან.

10.2. ნებისმიერი დავა, რომელიც შეიძლება წარმოიშვას მხარეებს შორის, წყდება მოლაპარაკების გზით, ხოლო შეთანხმების მიუღწევლობის შემთხვევაში - საქართველოს მოქმედი კანონმდებლობის შესაბამისად.

10.3. კომპანია იტოვებს უფლებას, შეცვალოს ფასდაკლების პროცენტები ან სტატუსის მინიჭების პრინციპი, 5.2. პუნქტის შესაბამისად.